Eftir fleiri ár burtur frá fótbólti, so vóru kvinnurnar hjá Skála í fjør aftur á fremstu røð í føroyskum fótbólti. Við ein óroyndum liði, ið bert hevði leikt eitt ár á heilum vølli, og ungum gentum, har fleiri leikarar enn leiktu við á gentuliðnum, so bóru úrslitini tó boð um, at her var framtíð at hóma. Fleiri av ungu leikarunum hava eisini vunnið sær pláss á ymiskum landsliðum.

Venjarin hjá 1. deild kvinnum verður aftur í ár Ingun Hansen av Strondum. 

Venjingin byrjar aftur á Skála týsdagin 3. februar kl. 20.

Er tað fleiri, ið hava hug at royna seg, so eru tær væl komnar.

Vit ynskja kvinnunum og Ingun eitt gott kappingarár.