Svimjisambandið: Leygardagin 28. november 2009 verður landsdystur millum Føroyar og Ísland, í svimjihøllini í Gundadali. Hetta er fyrsti ferð at Svimjisamband Føroya luttekur í sovorðnum landsdysti, síðani føroyingar fyrst í 90-unum vóru í Íslandi og kappaðust.

Tjóðirnar báðar eru komnar ásamt um fylgjandi reglur til landsdystin:
- Liðini kappast í 12 útvaldum einstaklingakappingum, tveimum liðkappingum og einari serligari 8x50 liðkapping

- Hvør lið umfatar 8 konufólk og 8 mannfólk úr hvørjari tjóð

- Allir luttakarar svimja minst éina einstaklingakapping, og í mesta lagi tríggjar

- Í 8x50 liðkappingini skal hvørt lið umfata 4 konufólk og 4 mannfólk, í sjálvvaldari raðfylgju

- Í einstaklingakappingum er stigabýtið 4 stig til nr 1, 3 stig til nr 2, 2 stig til nr 3 og 1 stig til nr 4

- Í liðkappingum er stigabýtið 8 stig til nr 1, 6 stig til nr 2, 4 stig til nr 3 og 2 stig til nr 4

- Vinnari er tann tjóð sum tilsamans hevur fingið flest stig, tá ið alt er svomið

Skráin er hendan:
14:00 Svimjarar hita upp
14:00 Upphitingin byrjar
15:45 Upphitingin endar
16:00 Landsdysturin byrjar
16:00 Innmarsj svimjarar og dómarar
16:02 Jon Hestoy SSF-formaður bjóðar vælkomin
16:03 Kaj Leo Johannesen løgmaður heldur røðu
16:06 Eiður Guðnason íslendskur sendiharri í Føroyum heldur røðu
16:09 Íslendskur tjóðsangur
16:11 Føroyskur tjóðstangur
16:13 Útmarsj svimjarar og dómarar

16:15 Innmarsj til fyrstu kapping16:15 50 rygg kvinnur - FAR: Birita Debes og Poula Ø. Mohr
- ISL: Hildur Þ. Ármannsdóttir og Erla H. Unnsteinsdóttir

16:17 50 firvald menn - FAR: Kári J. á Høvdanum og Jóhann Heðinsson
- ISL: Bragi Þorsteinsson og Kristinn Á. Gylfason

16:22 400 frí kvinnur - FAR: Mona Simonsen og Cecilia Eysturdal
- ISL: Jóna H. Bjarnadóttir og Lea H. Guðjónsdóttir

16:31 200 bringa menn - FAR: Pál Joensen og Jón Hofgaard
- ISL: Jakob J. Sveinsson og Birgir V. Hannesson

16:38 50 frí kvinnur - FAR: Shaila millum Garðarnar og Birita Debes
- ISL: Hildur Þ. Ármannsdóttir og Diljá Heimisdóttir

16:43 50 frí menn - FAR: Pauli Ø. Mohr og Bjarni M. Petersen
- ISL: Bragi Þorsteinsson og Sindri S. Friðriksson

16:49 4x50 blandað kvinnur - FAR: 2 lið á 4 kvinnur
- ISL: 2 lið á 4 kvinnur

16:57 4x50 blandað menn - FAR: 2 lið á 4 menn
- ISL: 2 lið á 4 menn

17:06 100 rygg kvinnur - FAR: Birita Debes og Poula Ø. Mohr
- ISL: Hildur Þ. Ármannsdóttir og Elfa Ingvadóttir

17:12 200 frí menn - FAR: Pál Joensen og Eyðbjørn Joensen
- ISL: Konráð Hrafnkelsson og Birgir V. Hannesson

17:19 50 firvald kvinnur - FAR: Shaila millum Garðarnar og Astrið Foldarskarð
- ISL: Lilja M. Stefánsdóttir og Diljá Heimisdóttir

17:25 50 rygg menn - Føroyar: Kári J. á Høvdanum og Magnus Jákupsson
- Ísland: Sindri S. Friðriksson og Kolbeinn Hrafnkelsson

17:31 100 bringa kvinnur - Føroyar: Tanja Skaalum og Turið S. Christiansen
- Ísland: María Á. Ásþórsdóttir og Jóna H. Bjarnadóttir

17:37 100 frí menn - Føroyar: Pauli Ø. Mohr og Bjarni M. Petersen
- Ísland: Bragi Þorsteinsson og Njáll Þrastarson

17:44 8x50 frí kvinnur og menn - Føroyar: 2 lið við hvør sínum 4 kvinnum og 4 monnum
- Ísland: 2 lið við hvør sínum 4 kvinnum og 4 monnum

17:55 Heiðursmerki

18:00 Liðugt

Eftir landsdystin eru bæði lið boðin til gallaveitslu á Føroya Læraraskúla, saman við venjarum og leiðarum, umframt eini rúgvu av føroyskum svimjarum og øðrum ið vara av svimjingini her heima.

Kringvarp Føroya sendir landdystin beinleiðis í sjónvarpinum frá klokkan 16 til 18, við møguleika at síggja dystin eisini sum "live stream" á www.kringvarp.fo. Hartil ber til at fylgja við tíðunum beinleiðis á www.livetiming.se, og at síggja bæði tað og samskifta við fólk í høllini og øðrum áskoðarum á www.svimjing.com/live

Men besta pláss er sjálvsagt í Gundadalshøllini, frá kl 16:00 leygardagin. Tað kostar einki fyri børn upp til 16 ár, at sleppa inn at síggja tiltakið, og 100 krónur fyri tey sum eru 17 ár ella meira.